MATAJIRI, WAKUBWA NA KASHFA ZA NGONO

Kwa mfuatiliaji wa mambo yanayotokea duniani, mwezi wa May 2011 umenigusa kwa Kuvunjika kwa ndoa ya Arnold Schwarzeneger, aliyekuwa gavana wa California ambaye amemaliza kipindi chake majuzi. Pia haswa kumenigusa zaidi baada ya huyu jamaa mkubwa wa Benki ya Dunia, Dominick Straus Khan kukamatwa nchini Marekani baada ya kujaribu kufanya ubakaji.
Hawa wote wawili yaliyowatokea ni kwa sababu wameendekeza sana ngono; Arnold yeye hatimaye imegundulika kuwa alikuwa amezaa na mfanyakazi wake kama gavana na kwa miaka kumi (10) alikuwa amemficha mkewe. Naye Straus Khan yeye ni mtu ambaye na kashfa za ngono ni marafiki. Kule Ufaransa wanamwita "hot rabbit" yaani sungura wa moto kwa mabibi, akimpania mtu lazima ampate. Ni kwa hali hiyo ya historia yake lililomtokea na kumsababishia aibu na kupoteza cheo chake cha Ukurugenzi wa IMF ni uzumbukuku wa vigogo na matajiri mbele ya vimwana. Ukisoma historia hii utaona ni jinsi gani hawa mabwana wamedhalilika. Lakini pia kwa marafiki zangu wengi nimewasikia wakibishana sana eti yule mwanadada alitegeshwa na CIA. Jamani, nasema, tuache hisia potofu, binafsi ninaelewa wazungu hawana simile kwenye makosa ya kuingilia maisha ya hasa mwanamke.